那麼遠，這麼近~

先說程霜~

上年9月 我 o個篇生命密碼 (二)，程霜留言話佢 o既答案係9號，o個時以為佢比我還年輕，誠然，從佢 o既文筆，又實在吻合。

。。。。佢 o係 Blog 上 o既撲朔迷離就如佢 o既名字~ 程霜一樣 (唔知以為佢係女仔。至少唔知佢係男定女。)，原來，佢係大哥哥 o黎！！！！香蕉變出香蕉船~~~~ 船上面有一排歡笑面~~~~~~ 多可愛~~~ 多康健~~ 齊齊共唱歌謠聽得見~~~~~

仲記得我 o地第一次風巔信霜黨聚，我同大哥哥準時到達 (另外 o個個遲大到！)，但由於我 o地素未謀面，而我又忘了將佢 o既手提電話號碼記下，故唯有以聲辨貌。但環顧「新方向總裁 CEO」 大堂都無一個似係程霜 o番，醒目 o既我，見到有兩部電腦，於是走去諗住 check 電郵記番佢 o既手提號碼啦，點知部 o野唔 work o咼。隔離用 o緊 o個個望一望我，我又望一望番佢，諗住問可唔可以畀我好快 o甘用一用先，但見佢好認真 o甘 o係度係 o甘打 o緊 o野，都係無謂打擾了。

跟住，我走 o左去「梳化」到坐。坐坐 o下，咦，點解有個人成日望過 o黎 o既？！雖然，我都慣 ga 喇，但 o個一刻有種唔同 o既感覺。

哈，原來佢就係程霜！嘩！那麼成熟滄桑！！！！我真係認唔到。

風信子~

我同大哥哥相認之後，為 o左懲罰約好3:00 pm SHARP 等卻可以2:30 pm 先搭巴士起程 o既風信子，我 o地便密謀整蠱佢。

等呀等~ 等呀等~ 一個又一個美夢破滅。突然，見到一雪白肌膚猶勝冰霜 (白潺潺) o既妙齡女子挽住一大袋 o野神色慌張 (做錯事嘛~) o甘出現。佢首先左望右望，然後程坐低，施施然 (極可能在扮冷靜。) 打電話畀我。我，梗係唔接~

Heee heeee，佢幾傍惶 o丫！跟住我首先走 o埋去啦，諗住嚇佢兇佢，哈哈哈哈哈，見佢 o甘樣，加上佢好 o?呀，即時仲可以做番冷靜。落唔到手，o甘就唯有同佢好親切 o甘問候相認。

接住，大哥哥走 o埋過 o黎，我 o地三個終於實實在在見面喇。

以前是那麼遠，那刻是這麼近。

大哥哥程霜的真身與佢 o係 Blog 同電話度差異極大。佢原來並唔係陰陽怪氣。而且，如前所說，佢好成熟滄桑，之餘，仍保持住青少年 o既銳氣，未有淪為老油條。說話時還中氣十足，難得！唔似風信子年紀輕輕，已中氣唔夠，氣虛。

風信子嘛，未見面之前，以為佢係鄭裕玲 + 袁詠儀 o個 type o甘惡哽，但原來，呢個只係佢內心，佢外表，係非常溫婉嫻淑呃晒人 o個種。

學者型 o既她，除 o左斯文之外，不乏有趣一面，就係鍾意對付我。佢話我 o個時，好冷靜，活像恐怖片裡 o既古怪小孩般，而且常有佳句。坦白講，同佢都相識、交流 o左已有一段日子，佢 o既意見及為人持平、忠懇、非常斯文，雖然自我保護意識強 o左 oD，但能夠接受到我，可見佢都幾開明和接受到異族。

三個曾各處天涯一方的人，彼此互不相識；接著曾是那麼遠的素未謀面相識交流；現在竟能這麼近相見歡聚。

最後，他朝縱未能「同偕白首」也是完成了今世此生的無憾。