咖喱羊肉

風信子今次真係唔話得，好好人！她話喎，今次出這個一題三寫題目係為了我喎。因為她覺得之前「恰」小弟，現在良心發現，要敬老。故此，出這個 topic 給小弟本人威威，yeah 番次。突然咁好人？！真係有 oD驚！唔通佢煮 o野食好拿手！？

卡通片~ 天才小廚師入面有個咖喱天才馬志良，而家 o係呢度，現實世界有我，登！登！梁巔巔，教大家煮，登！登！咖喱羊肉！

本來知道了今次這個題目之後，煮了個咖喱牛肉，但後來得知風大小姐原來有不吃牛肉的習慣 (大師即係大師。。。。但又吃羊肉 o個 bor。。。。)，所以幾日後再煮多個咖喱羊肉以回饋她的敬老 (其實講真，我真係似25、26歲 ga ja！)。大家話小弟我係咪好有誠意？(Heeee，其實牛同羊咪又係咁整~)

材料 (以4個人份量為標準)：

巴西羊仔肉 (山頂百X有得賣) 8條或普通羊扒3 - 4塊。
咖喱粉及咖喱膏各一茶匙 (我用開 o既係香港冠益華記那隻)。
糖2湯匙。
鹽一茶匙。
生抽兩茶匙。
雞粉半茶匙。

做法：
1. 把羊肉斬件後出水 (出水即把水煮滾後放已斬好的羊肉粒落去煮)，約15分鍾後撈起待用。

2. 把已切粒的洋蔥倒入燒紅及已落油 o既鑊，再加各一茶匙咖喱紛咖喱膏及已出水的羊肉炒約3分鍾後再加已切好的馬鈴薯，又再炒3分鍾，炒呀炒~ 炒呀炒~ 係咁炒；兜呀兜~ 兜呀兜~ 係咁兜~ 之後加水及材料部份的調味料。而水的份量要蓋過鑊內的材料。

3. 把鑊蓋上炆30 - 40分鍾。注意 o勒大家！期間要留心水一不夠便要加水！ 仲要間中攪兩 o野。

4. 待一切「軟熟」後上碟。

5. 開工，食。

P.S. 如果大家沒有那份心情或沒有時間，大可用右圖之現成咖喱汁。Keeeee，建議風信子用。Hooooo~~~~~