玩踢爆自己之~ 五件瘀事 & Blog Tag

不久前的中國元宵佳節交匯西方情人節時份，我們三人的風巔信霜玩了一燈謎比賽，而正如我們揭曉答案暨答謝篇中所說，誠蒙各位的熱烈回應、參與。

我們訂下比賽的勝出者，可出一篇一題三寫題目給我們。今得勝者~ 慘 Joe 毒手˙湯開兩邊要巔巔、風子和霜霜寫自己五樣最瘀的事，然後再 tag 五個人玩落去。

猜不到他倆會出這題目及如此玩法。。。。

現先寫出我們三人各自的瘀事：

程霜

言而有信，言出必行，願賭服輸，程某還招。。。。

幼稚園時代趕不及上廁所；小學時代扣錯鈕，成績差不合格見家長；中學時代輸波，去舞會認錯人，叫錯人家名字；打架打輸兼掛彩。。。。凡此種種通通視作等閒，乏善可陳。

現記下其中點滴：

某某年夏天，日本：慶祝世界童軍成立七十五周年國際大露營閉幕禮上，新加坡籍代表奈不住離愁別緒，在身旁偷泣然後痛哭，制服右邊的肩膊給她弄濕了一大片，後來被其他香港代表追問~ 瘀

一九九九年：客串拍電話公司廣告，得一句對白，出鏡前後不到三秒，居然也被外籍同事於公仔箱中發現，返公司唱通街~ 瘀瘀

於博客圈浮沉大半載，依然反復被查問，孰男孰女，可見行文陽剛不足，陰柔有餘，有負老師多年悉心教晦~ 瘀瘀瘀

唸大學的時候，於工程師行任見習 (學徒)，駕公司車出差，於黑人 (紅番) 區附近高速公路旁壞車，穿著一身螢光工作服徒步兩公哩打電話求救再呆等兼食塵三小時等拖車~ 瘀瘀瘀瘀

零五年，美國：後知後覺，居然不察覺梁公子追求對象為誰~ 瘀瘀瘀瘀瘀

生命旅途上無數的挫折和不如意，交織出一條既不平坦，又迂迴曲折的人生路，讓我們在不斷磨練之中成長，偏偏又是這些人生的高低起伏，替我們的一生添加了璀璨的色彩，教人忘不了，好讓我們將近走到盡頭的時候，可以回首前塵，細味其中點滴，話說當年。。。。　

遊戲規則，要拉五位博客下海。。。。各位，得罪了：

星洲加菲貓擁躉Corinne；
博覽群書的散文姐SWJ；
常伴左右的Bee；
酷愛旅遊的驢友Jan；

各位，多多冒犯。

始作蛹者乃慘Joe毒手˙湯開兩邊，汝兩又豈能幸免？

梁巔巔

1. 中學時某一個唔記得 o左係平安夜定係元旦除夕，學人出去 walk。出去 walk，自然就少不免要「立」gel，於是乎，o係出動前一兩日走去萬寧買支 KMS o既「gel」(o個時呢隻牌子好興)。到出動當天，裝身?時候，就係咁「立」係咁「立」啦，咦，點解梳極都有色 o既？而且，呢隻 KMS 都好香喎。好唔容易梳到 o的 gel 勻循，攪到正常，到出到去，walk walk 下，落雨喎~ 咦，點解個頭有泡 o既。。。。到番到屋企拎支 o野 o黎細心睇~ X！KMS Shampoo。。。。

2. 有一次，飲醉後跳上吧檯高歌。

3. 中一、中二左右跟從小玩到大的乾哥哥落 Canton Disco。著住件好健康，由音樂事務統籌處製造，心口印住樂韻播萬千 o既T - Shirt，但外面就著住件牛仔褸，摺袖扮粗野。。。。結果比我乾哥哥班朋友問佢：「喂，你細佬都好得喎！裡面咁健康出面似收數~」

4. 樂團演出時，在指揮沒有動作、指示下，仲未要真正叫我 o地郁，我就郁，早奏出 o左音樂。。。。(首 o野仲要係好激 o既匈牙利舞曲 No.5)

5. 比個識 o左冇幾耐 o既法國女朋友同我講：「不如我用普通話同您溝通，好不好？」

講完自己，到我 tag 5位幸運兒講自己 o既瘀事，然後您 o地要再 tag 5個人玩落去！

o騎 o騎，我 tag~

Carrie (Heeee，坦坦白白呢~)
愛美 (精通各種心理技巧的她，也必定要有瘀事 o既。)
Andy (想聽聽優皮成功的人 o既瘀 o野~)
Sunshine (新加坡 IT 高手，瘀事唔知會係點？)
鳥飛 (不久便快出書的才女，講 oD瘀事 o黎聽哩~)
Peg Peg (新婚的她，瘀事實有 o既。)
天使 (編劇人才，瘀事寫 o黎睇！)
水小姐 (喂，講 oD o黎聽！)

Tag 夠8個 o忝仲！接招啦！

風信子

自問是位做事細心，功課交足的好孩子，上回blog tag- 怪癖已是頭痛之極，今回要說私家瘀事？真有點兒那個，哎，的確有點難度，風子瘀事得一蘿，就等我來細數 @@

小 時候和同學仔在操場玩「狐狸先生幾點鐘」的遊戲，還記得狐狸先生到鐘時嗎？小朋友要逃跑的，那時的我好緊張，早己忘掉身處何地，袛知一轉身便覺得頭好暈， 跟住就要去醫療室休息，後來更要見家長！事後，同學仔甲告訴的我轉身時撞落學校裡那棵最大的樹，重要是撞落那粗粗的樹杆上。~

風子吹長笛，藝未算精也開始躲懶，一個月也沒操練一次，某年聖誕應邀柴娃娃玩下，起初還是可以頂得住，很來愈吹愈唔夠氣，最後連音都走埋，真係醜怪~

道聽途說，想行桃花運要過年時係桃花樹下轉三個圈，那就心想事成！某年跑去某商場桃花樹下游來游去扮等人，轉完一圈又一圈！後來先發覺左近詢問處個阿姐由始自終都坐係度睇住個場~

公司去旅行，忘記拿身份證，個個都過了境，袛得我一人，呀！！！現在公司去旅行，佢地跑來提醒我不要忘記呀忘記呀忘記呀 ~

近日泛起的種蛋熱潮，個個都有模有樣，袛得我一個不發芽，還要應巔巔所求，寫下日來種植蛋蛋的辛酸點滴與大家共勉！哎。。。。

輪到我點人啦，有怪莫怪呀 ~~

比比的瘀事？5個好似唔夠哦…
乖巧的圓圓，她的瘀事會是怎樣的？
同是天秤座的Ruth，好想知道瘀事會否和我相近？
勤學中JY，會有瘀事嗎？
好動的冬冬，吃喝玩樂間應有不少瘀事的！！！

再玩大一點點！若閣下路過，也 tag o埋您 o地！不介意的話，也寫下您們的瘀事吧。不一定亦要5樣，講一樣也好，大家研究下嘛~ 各位，得罪啦。呵呵呵！

有 o野齊齊玩！好玩一齊癲！

巔巔、風子、霜霜，在此隨時候教。